ლევანის ადგილას ყოფნას ნამდვილად არ ვისურვებდი, მართლა ვშიშობ, არარეალისტური დაპირებებმა ტყვეობაში არ მოაქციოს, – აღნიშნულის შესახებ “ნაციონალური მოძრაობის” ყოფილმა თავმჯდომარემ ნიკა მელიამ “ტვ პირველის” ეთერში განაცხადა.
მისივე თქმით, პარადოქსია, როდესაც დამარცხება გამარჯვების ტოლფასია.
“ეს არჩევნები პრაქტიკულად წარიმართა რა ხაზით – ვინ შევა და ვინ გამოიყვანს სააკაშვილს. აქ რეალურად დაცლილი იყო პოლიტიკური პრაგმატიზმი. ნამდვილად არ ვისურვებდი, იგივე ლევანის ადგილას ყოფნას. პარადოქსია, როდესაც დამარცხება გამარჯვების ტოლფასია. ერთის მხრივ, მართლა ვშიშობ, რომ არ აღმოჩნდნენ ისინი ტყვეობაში ამ არარეალისტური დაპირებების.
მათ შორის, ერთია, რომ შეიჭრება, რაღაცას შეამსხვრევენ და იქიდან გამოვლენ, წარმოუდგენელი იყო ჩემთვისაც და ვფიქრობ, ბევრი ადამიანისთვის. ვინაიდან, თუკი სადმე შევარდნაზე და შეჭრაზე შეიძლება, ვინმემ ისაუბროს და ეს გამოცდილება ჰქონდეს, ერთ-ერთი ვარ აქ, ეს გამოცდილება მიმიღია.
საზოგადოებას გაუკიცხივარ, თუ არ გაუკიცხივარ, ფაქტია, ეს ჩემს ბიოგრაფიაში არსებობს. გაცილებით მარტივია ამის გაკეთება, როდესაც შენ საკუთარი თავისუფლების და ჯანმრთელობის რისკის ფასად დგამ ამ ნაბიჯს, მაგრამ მაშინ, როდესაც სხვისი სიცოცხლის საფრთხეა, რომელიც ტყვეობაშია, ასეთი განცხადებების გაკეთება რბილად რომ ვთქვათ, არაფერია გარდა პოპულიზმისა.
იმძლავრა ამომრჩეველთა ნაწილში სწრაფად საკითხების გადაწყვეტის სურვილმა. სამწუხაროდ, მოხდა მიხეილ სააკაშვილის სახელისა და გვარის ინსტრუმენტალიზაცია, რაც მე არ მიკადრებია და არც ახლა ვიკადრებ”, – ამბობს ნიკა მელია.
