ნატო-ს გენმდივნის მოადგილე მირჩა ჯოანა „ტვიტერში“ საქართველოს საგარეო საქმეთა მინისტრის მოადგილესთან და საპარლამენტო კომიტეტის თავმჯდომარეებთან შეხვედრის შესახებ წერს.
მირჩა ჯოანას განცხადებით, შავი ზღვის უსაფრთხოება ნატო-სთვის სტრატეგიული მნიშვნელობისაა.
„შევხვდი საგარეო საქმეთა მინისტრის მოადგილეს, ლაშა დარსალიას, საპარლამენტო კომიტეტის თავმჯდომარეებს ნიკა სამხარაძესა და ირაკლი ბერაიას. შავი ზღვის უსაფრთხოება ნატო-სთვის სტრატეგიული მნიშვნელობისაა. ვაგრძელებთ ჩვენი პოლიტიკური დიალოგის გაძლიერებას და პრაქტიკულ თანამშრომლობას დიდი ხნის პარტნიორ საქართველოსთან“, – წერს მიკრობლოგ „ტვიტერში“ ნატო-ს გენმდივნის მოადგილე მირჩა ჯოანა.
