არსებული ინფორმაციით, ხობის მუნიციპალიტეტში, სოფელ ხამისკურთან ქალის მკვლელობაში ბრალდებული დაკავებულია. გავრცელებული ინფორმაციით, დაკავებული ქალია.
არსებული ინფორმაციით, მათ შორის დაპირისპირება თანხის გამო მოხდა.
გარდაცვლილის ცხედარი ადგილობრივმა გზის პირას ნახა და სამართალდამცავებს შეატყობინა.
,,ჩვენ არანაირი ხმაური არ გაგვიგია. შესაძლოა მკვლელობას წინ ურთიერთშელაპარაკება უძღოდა. ვინც ნახა, ის ახლა პოლიციაშია გამოკითხვაზეა გადაყვანილი“, - აცხადებს ადგილობრივი.
ქალის ცხედარი ექსპერტიზაზეა გადასვენებული.
შსს-მ მომხდარზე გამოძიება სსკ-ის 108-ე მუხლით დაიწყო, რაც განზრახ მკვლელობას გულისხმობს.
შეგახსენებთ, ხობის მუნიციპალიტეტში სოფელ ხამისკურთან 45 წლამდე ქალის ცხედარი იპოვეს. არსებული ინფორმაციით , გარდაცვლილს სხეულზე დაზიანებები აღენიშნება.
