ოპოზიციონერი დეპუტატი რომან გოცირიძე „ნაციონალური მოძრაობის“ მიერ 9 აპრილისთვის აქციის დაანონსებას სოციალურ ქსელში ეხმაურება.
„უახლოეს პერიოდში ერთი დიდი აქცია მართლაც უნდა გაიმართოს. მხოლოდ „ნაციონალური მოძრაობის“ მიერ ასეთი აქციის 9 აპრილისათვის დაანონსება არ მიმაჩნია სწორად, მაგრამ შემიძლია, მათაც გავუგო – სხვებიც ხომ დასწრებაზე არიან.
„აგენტების” კანონის ჩავარდნის შემდეგ ქვეყანაში რაღაც იცვლება და ეს ოპოზიციის ქცევასაც უნდა დაეტყოს“, – წერს რომან გოცირიძე.
„ნაციონალური მოძრაობის“ თავმჯდომარემ, ლევან ხაბეიშვილმა მოქალაქეებს მოუწოდა, 9 აპრილს, 17:00 საათზე რუსთაველის გამზირზე შეიკრიბონ.
