რომან გოცირიძე - კეზერაშვილმა ერთმნიშვნელოვნად განაცხადა, რომ არ მონაწილეობს პარტიულ ცხოვრებაში და მას ვერავინ შეედავება, რომ არის ოლიგარქი

ოპოზიციონერი დეპუტატის, რომან გოცირიძის შეფასებით, დავით კეზერაშვილმა დახმარებაში იგულისხმა მხოლოდ მედია და არა – პოლიტიკური პარტიები.

გოცირიძის თქმით, დავით კეზერაშვილმა ერთმნიშვნელოვნად განაცხადა, რომ ის არ მონაწილეობს პარტიულ ცხოვრებაში.

„არ ვიცი, დახმარებაში რა იგულისხმება. შეიძლება, იგულისხმა, რომ ის ინვესტიციებს დებს მედიაში, „ფორმულაში“. დახმარებაა, როდესაც, ფაქტობრივად, ყველა ტელევიზია გაკოტრების პირასაა, თუნდაც ერთს მეტ-ნაკლებად უჭერს ფინანსურად მხარს. თუკი რაიმე ეჭვებია, ხელისუფლებას აქვს ინსტრუმენტები, აგერ აუდიტის სამსახური, რომელიც პარტიების დაფინანსებას იკვლევს და მანამდე უნდა სცოდნოდათ. არ არის სწორი ცილისწამება. მან ერთმნიშვნელოვნად განაცხადა, რომ ის არ მონაწილეობს პარტიულ ცხოვრებაში და მას ვერავინ შეედავება, რომ არის ოლიგარქი. თურმე ბიძინა ივანიშვილი თუთიყუშების მბრძანებელია და ის ოლიგარქი ყოფილა, სასაცილოა ეს“, – განუცხადა რომან გოცირიძემ საქართველოს პირველ არხს.