ანა ნაცვლიშვილი - საკითხი დგას ასე - ან სანქცირებული მოსამართლეები დარჩებიან სისტემაში, ან საქართველო კანდიდატის სტატუსს მიიღებს
22.04.2023 ნახვები: 630
საკითხი დგას ასე - ან სანქცირებული მოსამართლეები დარჩებიან სისტემაში ან საქართველო კანდიდატის სტატუსს მიიღებს, - ამის შესახებ პარტია „ლელოს“ ერთ-ერთმა წევრმა, ანა ნაცვლიშვილმა განაცხადა.
როგორც მან აღნიშნა, „სასამართლო კლანთან“ ბრძოლაში საზოგადოების ჩართულობა, აქტიურობა და მათ შორის პროტესტი, ძალიან მნიშვნელოვანი და ლეგიტიმური ინსტრუმენტია.
კითხვაზე, შეუერთდება თუ არა „ლელო“ მსგავს აქციებს, ანა ნაცვლიშვილმა უპასუხა, რომ საზოგადოება ამას მომდევნო დღეებში იხილავს.
„დამოუკიდებელი სახელმწიფოს მისაღწევად აუცილებელია, კლანი სახლში წავიდეს და სრულყოფილი რეფორმა გატარდეს. ყველას გვესმის, რომ ეს დიდი ბრძოლის ნაწილია. ამ ბრძოლაში საზოგადოების ჩართულობა, აქტიურობა და მათ შორის, პროტესტი, ძალიან მნიშვნელოვანი და ლეგიტიმური ინსტრუმენტია. ამ ეტაპზე სანქცირებულ ადამიანებს ოდნავი პასუხისმგებლობა მაინც რომ ჰქონდეთ, თანამდებობიდან უნდა მიდიოდნენ. საკითხი დგას ასე - ან ეს ხალხი დარჩება სისტემაში ან საქართველო კანდიდატის სტატუსს მიიღებს. რა უფლება აქვს რამდენიმე მოსამართლეს, რომ სასამართლოში საკუთარ ყოფნას ქვეყნის უსაფრთხო მომავალი გადააყოლოს?!
იმისთვის, რომ კლანის დემონტაჟი მოხდეს, ბრძოლას, რა თქმა უნდა გავაგრძელებთ ისე, როგორც ბოლო 10 წლის განმავლობაში. დანარჩენს მომდევნო დღეებში იხილავს საზოგადოება“, - განაცხადა ანა ნაცვლიშვილმა.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
