ხერსონში უკრაინელი ჟურნალისტი მოკლეს, რომელიც თავის იტალიელ კოლეგას ეხმარებოდა, – ამის შესახებ „ბიბისი“ წერს.
მედიის ცნობით, უკრაინელი რეპორტიორი იტალიელ კორესპონდენტს უკრაინის ომის გაშუქებაში ეხმარებოდა, რა დროსაც ხერსონის გარეუბანში სნაიპერის მიერ გასროლის შედეგად დაიღუპა. როგორც „ბიბისი“ წერს, იტალიელი ჟურნალისტი მხარში დაიჭრა, მის სიცოცხლეს საფრთხე არ ემუქრება.
როგორც მედია იუწყება, ორივე ჟურნალისტს ეცვა ტყვიაგაუმტარი ჟილეტი, რომელზეც ეწერა, რომ ისინი ჟურნალისტები იყვნენ.
იტალიის საგარეო საქმეთა მინისტრის, ანტონიო ტაიანის განცხადებით, იტალიის საგარეო საქმეთა სამინისტრო თანამშრომლობს კიევში საელჩოს თანამშრომლებთან და უკრაინის ხელისუფლებასთან, რათა იტალიელი ჟურნალისტის ევაკუაცია რაც შეიძლება მოკლე ვადაში მოხდეს.
1tv.ge
