უკრაინის უსაფრთხოების გარანტიები ივლისში ნატო-ს სამიტზე გაფორმდება, – ამის შესახებ პოლონეთის პრეზიდენტმა, ანჯეი დუდამ, „ვოლ სთრით ჯორნალთან“ ინტერვიუში განაცხადა.
პოლონეთის პრეზიდენტის თქმით, უკრაინის უსაფრთხოების შეთანხმება, ისრაელის მოდელის მსგავსად, პრიორიტეტს მიანიჭებს შეიარაღების გადაცემას და მოწინავე ტექნოლოგიებს.
ანჯეი დუდას განცხადებით, აშშ-ის პრეზიდენტმა, ჯო ბაიდენმა, რომელიც პოლონეთს 2023 წლის თებერვალში ეწვია, ასევე განიხილა ისრაელის მოდელის კონცეფცია, რომელიც ეფუძნება კიევის უსაფრთხოების ხელშეკრულებას და პოპულარობას იძენს დასავლელ მოკავშირეებში.
მოლაპარაკებებში მონაწილე დასავლელი ოფიციალური პირების თქმით, დოკუმენტი ხელს შეუწყობს უკრაინის მომავალ წევრობას ნატო-ში.
