რუსეთის დედაქალაქ მოსკოვში უპილოტო საფრენი აპარატები ორ საცხოვრებელ კორპუსს დაეჯახა, - ინფორმაციას რუსული მედია საგანგებო სიტუაციების სამსახურის წარმომადგენელზე დაყრდნობით ავრცელებს.
მათივე ინფორმაციით, ერთი დრონი შენობას პროფსოიუზნაიას ქუჩაზე, მეორე კი -ატლასოვას ქუჩაზე დაეჯახა. მომხდარის შედეგად არავინ დაშავებულა.
"დრონი, პროფსოიუზნაიას ქუჩაზე საცხოვრებელი კორპუსის ზედა სართულებს დაეჯახა. განადგურდა სახლის ფასადი და მინა. მსხვერპლი არ ყოფილა. დრონი ასევე დაეჯახა 24 სართულიან საცხოვრებელ კორპუსს ატლასოვას ქუჩაზე. განადგურდა ზედა სართულების ფასადი და მინა. მსხვერპლი არ ყოფილა", - აღნიშნა წყარომ მედიასთან საუბარში.
