კიევსა და უკრაინის რამდენიმე ოლქში საჰაერო განგაში გამოცხადდა. დედაქალაქსა და კიევის ოლქში აფეთქებების ხმა ისმოდა და საჰაერო თავდაცვა ამოქმედდა.
წინასწარი ინფორმაციით დაღუპულია სამი ადამიანი, მათ შორის 11 წლის ბავშვი.
კერძოდ, დესნიანსკის რაიონში დაიღუპა სამი ადამიანი, მათ შორის ერთი ბავშვი (დაბადებული 2012 წელს); დაშავდა 10 ადამიანი, მათ შორის ერთი ბავშვი.
კიევის მერის განცხადებით, დაღუპულებს შორის ერთი ბავშვია, ასევე დაშავებულია ერთი მცირეწლოვანი.
მისივე ინფორმაციით, დედაქალაქის დესნიანსკისა და დნეპროვსკის რაიონებში დაშავებულები უკვე ჰოსპიტალიზებული არიან.
რუსულმა ძალებმა მაისში კიევს 17-ჯერ დაარტყეს. აქედან სამი თავდასხმა ერთ დღეში განხორციელდა.
