თუ იქნება სამართლიანი, ობიექტური გადაწყვეტილება, საქართველო გარანტირებულად მიიღებს სტატუსს. არ არსებობს არგუმენტი, რის გამოც რეალურად საქართველომ სტატუსი შეიძლება, ვერ მიიღოს, – ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ განაცხადა.
მისი თქმით, თუ ვიღაცები, მაგალითად, „გლობალური ომის პარტიის“ წარმომადგენლები დარწმუნდებიან, რომ სტატუსის ვერმიღებით საქართველოში სიტუაციას, ანუ ხელისუფლებას ვერ შეცვლიან, უფრო მეტი შანსია, ქვეყანამ კანდიდატის სტატუსი მიიღოს.
„სამართლიანი, ობიექტური გადაწყვეტილება თუ იქნება, საქართველო გარანტირებულად მიიღებს სტატუსს. არ არსებობს არგუმენტი, რის გამოც რეალურად საქართველომ სტატუსი შეიძლება ვერ მიიღოს, თუმცა მაშინაც, როდესაც ეს ერთხელ არ მოხდა და საქართველომ თავისი მეგობარი ორი ქვეყნისგან განსხვავებით, მხოლოდ ევროპული პერსპექტივა მიიღო, მაშინაც შეგვეძლო გვეთქვა, რომ ობიექტურობის შემთხვევაში, სტატუსი უნდა მიიღოს, მაგრამ ვერ მივიღეთ. მსჯელობის საშუალება არის ცუდი – პესიმისტური სცენარისთვისაც და ოპტიმისტური სცენარისთვისაც, ნახევრად სავსე ჭიქაზე ან ნახევრად ცარიელზეც შეგვიძლია ვილაპარაკოთ. მეტსაც ვიტყვი და შეიძლება ცოტა გაუკვირდეთ ვიღაცებს, მაგრამ მგონი, უნდა გვეყოს სითამამე და ვთქვათ, თუ ვიღაცები, მაგალითად, გლობალური ომის პარტიის წარმომადგენლები დარწმუნდებიან, რომ სტატუსის ვერმიღებით საქართველოში სიტუაციას ვერ შეცვლიან, ანუ, ხელისუფლებას ვერ შეცვლიან, უფრო მეტი შანსია, მივიღოთ სტატუსი. ეს არა მხოლოდ ჩემი პირადი აზრია, ბევრი ობიექტურად მოფიქრალი ადამიანი ასე ფიქრობს, რადგან ამ შემთხვევაში, ბევრის გადასახედიდან, ვინც ამ ქვეყანას მტრობს, სტატუსი არის ბერკეტი, რომ ხელისუფლება შეცვალოს – თუ არ მივცემთ სტატუსს, იქნებ, შევცვალოთ ემოციურ ფონზე ხელისუფლება, მაგრამ თუ ამას ზარი არ აქვს, მაშინ ობიექტურად ეკუთვნის, ნუღარ ვალაპარაკებთ და გავანაწყენებთ“, – განაცხადა მამუკა მდინარაძემ „იმედი ლაივის“ ეთერში.
