ბოდბელი ეპისკოპოსი ევროკავშირის წინააღმდეგ - მეუფე იაკობი ევროპის სახელმწიფოებს საქართველოში რევოლუციის მოწყობის მცდელობაში ადანაშაულებს. ამის შესახებ სასულიერო პირმა ქადაგებისას ისაუბრა.
მეუფე იაკობი ევროკომისიის მიერ საქართელოსთვის 12 რეკომენდაციის მიცემითაც უკმაყოფილოა და ამბობს, რომ ევროკავშირმა საქართველოს ვადები არ უნდა დაუწესოს.
მინდა მივმართო ევროკავშირს და ევროპარლამენტს, რას აკეთებთ? როგორ გვექცევით? ჩაიწერა ჩვენთან კონსტიტუციაში, ვფიქრობ, რომ არ უნდა ჩაეწერათ, მაგრამ ნატოში და ევროკავშირში გაწევრიანებაზე. და რა ხდება? რისთვის იყენებთ ევროკავშირში გაწევრიანების იდეას? ორჯერ ლამის რევოლუცია მოგვიწყვეთ და რის გამო? 12 დავალებას რომ გვაძლევთ, თქვენი ბავშვები ვინ არიან? და თუ დავალებას გვაძლევთ, დაგვაცადეთ... ვადებს რატომ მიწესებ? იმიტომ მიწესებ, რომ კიდევ რევოლუცია მომიხდინო? თუ ჩემი პარტნიორი ხარ ევროკავშირის მიმართ, თუ არ მეხმარები, უკრაინას როგორც ეხმარება დღეს ნახევარი მსოფლიო, ხელს მაინც ნუ მიშლი. როცა მზად ვიქნები, მაშინ შევალთ იქ, სადაც საჭიროა. თუ არაა, რატომ მიბრაზდდები? შემოდგომა მოვა და ჩვენც ვემზადებით, ისინი თუ ემზადებიან, ჩვენს ახალგაზრდებს სწორ ორიენტირს ურევენ ხოლმე, ჩვენ არავის დავანებებთ, რომ საქართელო ისევ ვირაცეების ხელში ჩააგდონ. ეს ხომ რუსეთს უნდა, რომ საქართელო არ განვითარდეს.ევროპელებს მივმართავ, რუსეთის გარდა, ვის ემსახურებით?, - ამბობს მეუფე იაკობი.
