პარლამენტის ფოიეში ვითარება კვლავ დაძაბულია. რამდენიმე წუთის წინ ადგილი ჰქონდა ფიზიკურ დაპირისპირებას. „ქართული ოცნების“ დეპუტატები ირაკლი ზარქუა და ვიქტორ სანიკიძე ფიზიკურად დაუპირისპირდნენ „სტრატეგია აღმაშენებლის“ ლიდერს, გიორგი ვაშაძეს. ვითარების განმუხტვა მხოლოდ რამდენიმე წუთის შემდეგ გახდა შესაძლებელი, თუმცა, სიტუაცია პარლამენტის ფოიეში პერიოდულად კვლავ იძაბება, რადგან იქ როგორც ოპოზიციის, ასევე მმართველი გუნდის წარმომადგენლები იმყოფებიან.
ამ წუთებში სიტყვიერი დაპირისპირებაა მიხეილ ყაველაშვილს, მამუკა მდინარაძესა და ალეკო ელისაშვილს შორის. ახლა მათ დეპუტატების ოთახში გადაინაცვლეს, სადაც მედიის წარმომადგენლებს არ უშვებენ.
