"დღეს აქ შევიკრიბეთ ადამიანები, რომლებიც ვაპროტესტებთ რუსულ რეჟიმს, რომლებიც ვაპროტესტებთ ამ ჭაობში ყოფას, საიდანაც აუცილებლად ამოვალთ ერთად და ვიქნებით გამარჯვებულები", - ეს განცხადება მიხეილ სააკაშვილის წარმომადგენელმა სოფო ჯაფარიძემ პარლამენტთან მიმდინარე აქციის დროს გააკეთა.
მოქალაქეები საპროტესტო აქციით შს მინისტრს ვახტანგ გომელაურს დახვდნენ. როგორც სოფო ჯაფარიძე ამბობს, გომელაურთან ძალიან ბევრი კითხვა აქვს საზოგადოებას, განსაკუთრებით კი, შოვში დატრიალებულ ტრაგედიასთან დაკავშირებით.
"გომელაურის მისამართით კითხვა გვაქვს ძალიან ბევრი და კითხვა გვაქვს მთელ საქართველოს, განსაკუთრებით მნიშვნელოვანი არის შოვის ტრაგედიის გარშემო დასმული კითხვები, რასაც მან აუცილებლად უნდა გასცეს პასუხი და მას პასუხი უნდა მოეთხოვოს.
დღეს აქ შევიკრიბეთ ადამიანები, რომლებიც ვაპროტესტებთ რუსულ რეჟიმს, რომლებიც ვაპროტესტებთ ამ ჭაობში ყოფას, საიდანაც აუცილებლად ამოვალთ ერთად და ვიქნებით გამარჯვებულები და ეს გამარჯვება ისე ახლოს არის, როგორც არასდროს.
დღეს თქვენ ხედავთ, რომ უკვე "ქართული ოცნება" დაუკრეფავში არის გადასული, ყველგან თავდასხმაზე არიან გადასულები, ეს იყო საკრებულოში, ეს არის აქ და ეს არის მათი ბოლო. ყოველთვის ასე ხდება გადადიან ძალადობაზე და ხედავთ ისინი არიან უკვე მართლა უმართავ პროცესში გადასულები, ისინი არიან გადასულები ძალადობაზე და აუცილებლად ჩვენ გავიმარჯვებთ და აუცილებლად ვიქნებით ძალიან ბევრი და დავამარცხებთ ამ უბედურ რეჟიმს და ამ სიტყვებს ტყუილად არ ვამბობ", - ამბობს სოფო ჯაფარიძე.
