საქმის გარჩევა შუშის სასახლეში - როგორ აიძულებდნენ პრეზიდენტად 2 თვის არჩეულ გიორგი მარგველაშვილს გადადგომას?
10 წლის წინ, სოლოლაკის სასახლეში შემდგარი შეხვდრის დეტალები "ტვ პირველის" ეთერში, გადაცემა "რეაქციაში" დავით უსუფაშვილმა მოყვა.
ირკვევა, რომ ირაკლი ღარიბაშვილსა და გიორგი მარგველაშვილს შორის უფლება-მოსილების გადანაწილების გამო სიტუაცია იმდენად დაძაბული იყო, რომ საქმეში პოლიტკიდან "წასული" ოლიგარქი ჩაერთო.
"ლელოს" ერთ-ერთ ლიდერი და პარლამენტის მაშინდელი თავმჯდომარე, დავით უსუფაშვილი "რეაქციას" შეხვედრის დეტალებს უმხელს - უსუფაშვილის თქმით, შუშის სასახლეში 2013 წლის ბოლო დღეებში გამართულ შეხვედრას 4 ადამიანი, პრეზიდენტი მარგველაშვილი, ახლადარჩეული პრემიერი ღარიბაშვილი და პარლემნის თავმჯდომარე, ანუ დავით უსუფაშვილი ესწრებოდნენ.
ირკვევა, რომ დაპირისპირების მთავარი მიზეზი უშიშროების საბჭოს შესახებ კანონი იყო, უსუფაშვილის თქმით, "მსჯელობისას აღმოჩნდა, რომ სხვადასხვაგვარად ესმით საკუთარი როლები ახალ პრემიერ ღარიბაშვილს და ახალ პრეზიდენტ მარგველაშვილს".
10 წლის შემდეგ, გაირკვა ისიც, რომ მას შემდეგ რაც, მხარეებმა (მარგველაშვილი-ღარიბაშვილი) შეთანხმებას ვერ მიაღწიეს, საქმეში ისევ ივანიშვილი ჩაერთო და "ორი მეგობარი" (მარგველაშვილი-ივანიშვილი) ცალკე გავიდა. იქიდან გამოსულმა მარგველაშვილმა კი თქვა, რომ გადადგომას აპირებდა.
"შეუთანხმებლობის პროცესში - რაღაც პერიოდი ორნი - მარგველაშვილი და ივანიშვილი, რომლებსაც ახლო ურთიერთობა ჰქონდათ, ცალკე გავიდნენ. იქიდან გამოსულებმა გვითხრეს, რომ ჩვენ ვისაუბრეთ და შევთანხმდით, რომ... მარგველაშვილმა (თქვა) არ მიღირს მე პრეზიდენტობა. არ არის ეს სკამი ის, რომელსაც უნდა გამოვეკიდო და ვიდაო, თუ სხვანაირად გესმით, კი ბატონო, ამ დღიდან დაიწყო ის, რომელზეც ჩემზე გაავრცელეს, რომ მე დავდიოდი თითქოს მარგველაშვილის დასარწმუნებლად რომ გადადექიო. ბევრს დავდიოდი, რომ ეს არ ქნა," - ამბობს უსუფაშვილი.
დღევანდელი "რეაქციიდან" გაირკვა ისიც, რომ მაშინ მარგველაშვილის გადადგომა წინა საახალწლო დღეების გამო ვერ მოხდა.
"ყველას ესმოდა, რომ ცუდი იყო, ამით მიელოცათ ხალხისთვის ახალი წელი. ამიტომ გადაწყვეტილების გამოცხადებამ ერთი კვირით გადაიწია. მაშინ გაჩნდა ის ფანჯარა, როდესაც რაღაცები შესაძლებელი გახდა"- აღნიშნა "ლელოს" ლიდერმა.
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
საქართველო-ირანის ურთიერთობები და საგარეო-პოლიტიკური ტენდენციები: ფაქტები, მოვლენები და ღია წყაროები
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
