„ენერგო-პრო ჯორჯიას“ ტექნიკური ბრიგადები დასავლეთ საქართველოში განსაკუთრებული რეჟიმით მუშაობას განაგრძობენ. „ენერგო-პრო ჯორჯიას“ ინფორმაციით, აბონენტების ნაწილისთვის ელექტროენერგიის მიწოდება გუშინ საღამოს მოხერხდა, თუმცა, ამინდის კვლავ გაუარესების გამო, ენერგოინფრასტრუქტურის დაზიანება კვლავ გრძელდებოდა.
„დაბა ხარაგაულს ელექტროენერგია სტაბილურად მიეწოდება. აბონენტები ელექტროენერგიას იღებენ ასევე მუნიციპალიტეტის სოფლებში: ჩხერი, ჯაფარეული და ბაზალეთი. ყინულმოცვის გამო დაზიანებულია მაღალი ძაბვის ათობით ხაზი, შესაბამისად კომპანიის ზარალი დიდია. ელექტროენერგია შეზღუდვით მიეწოდება ასევე ამბროლაურის, ცაგერის, ლენტეხის, წალენჯიხის და ჩხუროწყუს რაიონულ ცენტრებს. თითქმის მთელი ღამე არ მიეწოდებოდა ელექტროენერგია მესტიის მუნიციპალიტეტს, თუმცა, ამ დროისთვის ენერგომომარაგება აქ აღდგენილია.
მიუხედავად იმისა, რომ კომპანიის ტექნიკურ სამსახურს დიდთოვლობის გამო გადაადგილება უჭირს, აღდგენითი სამუშაოები უწყვეტ რეჟიმში მიმდინარეობს. ,,ენერგო-პრო ჯორჯიას“ ტექნიკური დამატებითი ბრიგადები ქვემო ქართლიდან, შიდა ქართლიდან და სამცხე-ჯავახეთიდან არიან ჩასულები დასავლეთ საქართველოში და კოლეგებს ეხმარებიან სამუშაოების ოპერატიულად შესრულებაში“, - ნათქვამია ინფორმაციაში
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
