ირანში ორი დღის წინ მომხდარ აფეთქებებზე პასუხისმგებლობა ე.წ. „ისლამურმა სახელმწიფომ“ აიღო. BBC-ის ინფორმაციით, დაჯგუფებამ განცხადება „ტელეგრამ“ არხების საშუალებით გააკეთა და აღნიშნა, რომ ორმა თვითმკვლელმა ტერორისტმა ასაფეთქებელი ქამრები 20 წუთის შუალედით აამოქმედა.
შეგახსენებთ, ირანის ქალაქ კერმანში, ირანის ელიტური „ყუდსის ძალების" ყოფილი მეთაურის, ყასემ სოლეიმანის საფლავთან ახლოს ორი აფეთქება მაშინ მოხდა, როდესაც უამრავი ადამიანი სოლეიმანის მკვლელობის მეოთხე წლისთავზე, მისთვის პატივის მისაგებად, მსვლელობას მართავდა. ამ დროისთვის არსებული ინფორმაციით, აფეთქებების შედეგად 85 ადამიანი დაიღუპა. ირანმა მომხდარში ისრაელი და შეერთებული შტატები დაადანაშაულა.
