არაფერია უფრო სასტიკი და ამაზრზენი, ვიდრე მართლმსაჯულების საერთაშორისო სასამართლოში შეტანილი სარჩელი, რომელიც ისრაელს გენოციდურ ქმედებებში ადანაშაულებს, – ამის შესახებ ისრაელის პრეზიდენტმა, ისააკ ჰერცოგმა აშშ-ის სახელმწიფო მდივანთან, ენტონი ბლინკენთან შეხვედრის დროს განაცხადა.
ისრაელის პრეზიდენტმა სამხრეთ აფრიკის რესპუბლიკის ხელმძღვანელობა საქმის აღძვრისთვის გააკრიტიკა, რომლის მოსმენა 11 იანვარს დაიწყება.
ისააკ ჰერცოგმა ვაშინგტონს მხარდაჭერისთვის მადლობა გადაუხადა. მანამდე აშშ-ის სამთავრობო წყარომ განაცხადა, რომ ბლინკენი ისრაელს ღაზაში ბრძოლების მასშტაბის დაუყოვნებლივ შემცირებისკენ მოუწოდებს.
