დემოკრატებმა მიმდინარე კვირაში წარმომადგენელთა პალატის სპიკერის, რესპუბლიკელი მაიკ ჯონსონის წინადადება დაბლოკეს, რომლის მიღების სანაცვლოდაც კონგრესმა უკრაინისთვის მორიგი დახმარების პაკეტს უნდა დაუჭიროს მხარი.
ჯონსონი აცხადებს, რომ რესპუბლიკელები დაბლოკავენ კიევის დახმარების მორიგ პაკეტს იმ შემთხვევაში, თუ არ იქნება მიღებული საზღვრის შესახებ კანონი, რომელშიც გათვალისწინებული იქნება პრეზიდენტ ტრამპის დროს დაწყებული ინიციატივა, რაც, მათ შორის, აშშ-მექსიკის საზღვარზე კედლის მშენებლობას გულისხმობს.
„საზღვართან დაკავშირებული ბრძოლა მოდის და ჩვენ ამ ბორცვზე დავიღუპებით,” – აცხადებს ჯონსონი.
აღსანიშნავია, რომ დემოკრატები მხარს უჭერენ საზღვრის უსაფრთხოებისთვის ახალ დაფინანსებას, მაგრამ არა იმ მკაცრ საიმიგრაციო შეზღუდვებს, რომლებსაც სთავაზობენ რესპუბლიკელები.
აშშ-მექსიკის სასაზღვრო კედელი ბოლო თვეების განმავლობაში რესპუბლიკელებსა და დემოკრატებს შორის მწვავე დებატების თემაა. ჯონსონის წინადადება დემოკრატებმა მკაცრად გააკრიტიკეს. ისინი ამბობენ, რომ არასოდეს დაუჭერენ მხარს უკრაინის დახმარების პაკეტს, რომელიც სანაცვლოდ საზღვარზე კედლის მშენებლობას გულისხმობს.
