რობ ბაუერი - დასავლეთში მოქალაქეები უნდა მოემზადონ რუსეთთან ყოვლისმომცველი ომისთვის

დასავლეთში მშვიდობიანი მოქალაქეები უნდა მოემზადონ რუსეთთან ყოვლისმომცველი ომისთვის, – ამის შესახებ ნატო-ს სამხედრო კომიტეტის თავმჯდომარემ, რობ ბაუერმა განაცხადა.

ნატო-ს სამხედრო მაღალჩინოსნის თქმით, ალიანსი ემზადება რუსეთთან კონფლიქტისთვის. ადმირალმა ბაუერმა თქვა, რომ შვედეთი სწორად მოიქცა, როდესაც მოუწოდა მოსახლეობას, მოემზადონ ომისთვის.

„უნდა დავიწყოთ გაცნობიერება, რომ ყველაფერი არ არის გეგმის მიხედვით, ყველაფერი შოკოლადში არ იქნება მომდევნო 20 წლის განმავლობაში. მე არ ვამბობ, რომ სიტუაცია გართულდება ხვალ, ჩვენ უნდა გვესმოდეს, რომ ჩვენ ვცხოვრობთ მშვიდობიან მდგომარეობაში და ეს არ არის ის, რასაც ჩვენ თავისთავად ვიღებთ. სწორედ ამიტომ გვაქვს გეგმები, ვემზადებით რუსეთთან და ტერორისტულ ჯგუფებთან კონფლიქტისთვის, თუ თავს დაგვესხმებიან. ჩვენ არ ვეძებთ რაიმე სახის კონფლიქტს, მაგრამ თუ თავს დაგვესხმებიან, ჩვენ მზად უნდა ვიყოთ“, – განაცხადა რობ ბაუერმა.