ჩვენ გვინდა, სამხრეთ კავკასია იყოს მშვიდობის, ინტეგრაციის, თანამშრომლობის არეალი ღია საზღვრებით, – ამის შესახებ საფრანგეთის პრეზიდენტმა, ემანუელ მაკრონმა, სომხეთის პრემიერ-მინისტრთან, ნიკოლ ფაშინიანთან შეხვედრისას განაცხადა.
საფრანგეთის პრეზიდენტის თქმით, მნიშვნელოვანია, რომ დაკავშირებადობის პროექტები იყოს ინტეგრაციის ფაქტორები და არა გაყოფის.
ემანუელ მაკრონის განცხადებით, საფრანგეთს აქვს ცენტრალურ აზიას, სამხრეთ კავკასიასა და ევროკავშირს შორის კავშირის გაძლიერების ინტერესი და ამაში თავისი წვლილი შეაქვს სომხეთის მშვიდობის გზაჯვარედინების ინიციატივას.
„ჩვენ ასევე გავაგრძელებთ სომხეთთან თავდაცვის სფეროში თანამშრომლობის განვითარებას: თანხმობა არსებობს კონტრაქტების გაფორმებაზე თავდაცვითი მიზნებისთვის სამხედრო ტექნიკის მიწოდებაზე და საფრანგეთი გააგრძელებს მოქმედებას ამ სფეროში პასუხისმგებლობის სულისკვეთებით და ესკალაციის სურვილის გარეშე. საფრანგეთი ასევე აგრძელებს ჰუმანიტარული ვალდებულებების განმტკიცებას სომხეთისა და მთიანი ყარაბაღის ლტოლვილების სასარგებლოდ, დახმარებით, რომელიც ახლა 2023 წელს 29 მილიონ ევროს შეადგენს. საფრანგეთი ასევე გააგრძელებს მტკიცე მხარდაჭერას ევროკავშირსა და სომხეთს შორის ურთიერთობების განვითარებას ყველა განზომილებაში. აქაც ყველაფერი წინ მიიწევს ჩვენი საერთო სტრატეგიული ინტერესების სამსახურში“, – განაცხადა ემანუელ მაკრონმა.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
