“ქართულ ოცნებას” მხოლოდ მადლობა შეგვიძლია ვუთხრათ ამ კანონის შემოტანისთვის, რადგან მან გამოაცოცხლა ქართული საზოგადოება - ამ ქვეყანაში აშშ-ის წინააღმდეგ წინასაარჩევნოდ დაწყებული ბრძოლა შეცდომაა, რომელიც ოპოზიციამ საფუძვლიანად უნდა გამოიყენოს, - ამის შესახებ “გირჩის” ერთ-ერთმა ლიდერმა იაგო ხვიჩიამ ჟურნალისტებს განუცხადა.
მისი თქმით, საზოგადოების ვალდებულებაა, დაინახოს, რა მდგომარეობაშია ქვეყანა და 26 ოქტომბერს შესაბამისად მოიქცეს.
“თუ რამე შეძლებდა ჩვენს გამოცოცხლებას წინასაარჩევნოდ, იყო ის გარემოება, როდესაც ჩვენი ხელისუფლება ომს უცხადებს საკუთარ სტრატეგიულ პარტნიორებს, განსაკუთრებით ამერიკის შეერთებულ შტატებს. ჩვენი, ქართველი ხალხის ვალდებულებაა გამოვფხიზლდეთ, შევხედოთ, რა მდგომარეობაში ვიმყოფებით და შესაბამისად მოვიქცეთ 26 ოქტომბერს”, - განაცხადა იაგო ხვიჩიამ.
გარდა ამისა, ხვიჩია გამოეხმაურა “გორბის” კვლევის შედეგებს, სადაც “ქართულ ოცნებას” 60%-იანი მხარდაჭერა აქვს. მისი თქმით, მმართველ პარტიას საკუთარი თავისთვის 70%-მეტის დაწერაც შეეძლო, მაგრამ “მორიდებული ხალხია”.
“ვერ ვხვდები, რატომ იწუწკეს საკუთარი თავის წინაშე, 70%-ზე მეტიც რომ დაეწერათ, რა პრობლემა იქნებოდა, მაგრამ მორიდებული და მოკრძალებული ხალხია “ქოცები”. 60%-ს ზემოთ არ ადიან. ჩვენც მადლობლები ვართ, 40%-ით მოგვიმატეს წინა კვლევასთან შედარებით. ვინ ასრულებდა, ვინ იჯდა კომპიუტერთან არ ვიცი, მაგრამ - ყოჩაღ!”,- განაცხადა იაგო ხვიჩიამ.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
