29 აპრილს, ეს იქნება აქცია - „რუსული მარში“ „რუსული კანონის” დასაცავად, რომელსაც ჩვენდა სამარცხვინოდ, ჩვენი ხელისუფლება ატარებს იმ ადგილას, რომელიც დამოუკიდებლობის, დამოუკიდებელი, სუვერენული და თავისუფალი საქართველოს სიმბოლოა, - ამის შესახებ „ევროოპტიმისტების” დეპუტატმა, ხატია დეკანოიძემ ჟურნალისტებთან საუბრისას განაცხადა.
მისივე თქმით, ეს არის ყველაზე დიდი მკრეხელობა, რომელსაც აიძულებენ, მათ შორის, ადმინისტრაციულ რესურსს, რომ ჩამოვიდნენ და ამ მარშში მიიღონ მონაწილეობა.
„არაერთხელ მითქვამს, რომ ეს აქციები არ არის ოპოზიციის ორგანიზებული. ეს აქციები ტარდება ყოველდღე და დარწმუნებული ვარ, რომ გაგრძელდება. ერთადერთი ბიძინა ივანიშვილის რაც უნდა, არის ის, რომ საქართველოს მოქალაქეები დააპირისპირონ. ასევე, პირველ რიგში, ეს უნდა რუსეთს. მაგრამ საქართველოს მოქალაქეები, განსაკუთრებით ახალგაზრდები, არიან ძალიან აზრიანები და ჭკვიანები, ამიტომ ჩვენ, მათაც და ყველა იმ ადამიანს, რომელსაც ამ ქვეყნის ევროკავშირში ინტეგრაცია გვინდა და არ გვინდა ივანიშვილის რუსული მმართველობა, გათვითცნობიერებული გვაქვს რამდენად მნიშვნელოვანია და რამდენად ფრთხილები უნდა ვიყოთ.
ასევე შემიძლია ვთქვა, რომ თუ ვინმეს უნდა დაპირისპირება - ეს არის ივანიშვილი.
ჩემი ინფორმაციით, აქცია იქნება ყოველდღე, ისედაც ასე ხდება და ყოველდღე დადიან ახალგაზრდები.
რაც შეეხება 29 აპრილს, ეს იქნება აქცია - „რუსული მარში“ „რუსული კანონის“ დასაცავად, რომელსაც ჩვენდა სამარცხვინოდ, ჩვენი ხელისუფლება ატარებს იმ ადგილას, რომელიც დამოუკიდებლობის, დამოუკიდებელი, სუვერენული და თავისუფალი საქართველოს სიმბოლოა. საქართველოს პარლამენტის წინ, სადაც 9 აპრილი და დამოუკიდებლობა დაიბადა. ამიტომ, ეს არის ყველაზე დიდი მკრეხელობა, რომელსაც აიძულებენ, მათ შორის, ადმინისტრაციულ რესურსს, რომ ჩამოვიდნენ და ამ მარშში მიიღონ მონაწილეობა”, - აღნიშნა ხატია დეკანოიძემ.
ცნობისთვის, “ქართული ოცნება“ 29 აპრილს, საქართველოს პარლამენტის შენობის წინ, საყოველთაო-სახალხო შეკრებას გეგმავს.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
