ხვიჩა კვარაცხელიამ „ნაპოლის“ რიგებში სეზონის პირველი ამხანაგური მატჩი ჩაატარა და გოლი გაიტანა. ნეაპოლელებისთვის ეს მესამე ამხანაგური შეხვედრა იყო, რომელშიც გუნდი კასტელ დი სანგროში ალბანურ „ეგნატიას“ დაუპირისპირდა და 4:0 დაამარცხა.
„ნაპოლის“ მწვრთნელმა, ანტონიო კონტემ ძირითად შემადგენლობაში ახალი მოთამაშეებიდან მხოლოდ „ფროსინონედან“ იჯარის შემდეგ დაბრუნებული მაროკოელი თავდამსხმელი ვალიდ ჩედირა და „რომადან“ დამატებული ლეონარდო სპინაცოლა ათამაშა.
საქართველოს ნაკრების ლიდერმა, ხვიჩა კვარაცხელიამ ანგარიში 22-ე წუთზე გახსნა. სტანისლავ ლობოტკას გადაცემით ხვიჩა მეკარესთან პირისპირ გავიდა და ძლიერი დარტყმით გოლი გაიტანა. შვიდ წუთში ალბანელების კარი საჯარიმოს სიახლოვიდან მატეო პოლიტანომ აიღო.
შესვენების შემდეგ კონტემ შემადგენლობა შეცვალა და ახალწვეულების გამოცდა გადაწყვიტა. მინდორზე ვიხილეთ იტალიის ნაკრების მცველი ალესანდრო ბონჯორნო, მაიკლ ფოლორუშო და რაფა მარინი, კვარაცხელიამ კი მოედანი დატოვა. მოგვიანებით გოლები ჯოვანი სიმეონემ (52) და სირილ ნგონგემ (69) გაიტანეს.
„ნაპოლი“ სეზონის გახსნამდე კიდევ ორ ამხანაგურ მატჩს გამართავს. ნეაპოლელები ოთხშაბათს, 31 ივლისს ფრანგულ „ბრესტს“ შეხვდებიან, ხოლო შაბათს, 3 აგვისტოს – ესპანურ „ჟირონას“.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
