ვოლოდიმირ ზელენსკიმ უკრაინაში რუსეთთან დაკავშირებული რელიგიური ორგანიზაციების აკრძალვის შესახებ კანონსა და რომის სტატუტის რატიფიცირების შესახებ კანონს ხელი მოაწერა, - ამის შესახებ ინფორმაციას უკრაინული მედია ავრცელებს.
უკრაინის რადამ კანონპროექტი, რომლის მიზანს „რუსული სამყაროს“ იდეოლოგიის პროპაგანდის აკრძალვა წარმოადგენს და რომლის მიხედვითაც, შესაძლოა უკრაინაში მოსკოვის საპატრიარქოს უკრაინის მართლმადიდებელი ეკლესიის საქმიანობა აიკრძალოს, 20 აგვისტოს მიიღო. მას მხარი 265-მა დეპუტატმა დაუჭირა.
უკრაინის პრეზიდენტმა ხელი სისხლის სამართლის საერთაშორისო სასამართლოს რომის სტატუტის რატიფიცირების შესახებ კანონსაც მოაწერა.
შეგახსენებთ, უკრაინის უმაღლესმა რადამ სისხლის სამართლის საერთაშორისო სასამართლოს რომის სტატუტის რატიფიცირება 21 აგვისტოს მოახდინა.
