ირლანდიური დაბალბიუჯეტიანი და ევროპის უმსხვილესი ავიაკომპანია Ryanair აცხადებს, რომ 2025 წლის ზაფხულში გერმანიიდან გააუქმებს ფრენების მნიშვნელოვან ნაწილს (მათი ფრენების 10%-ს, 1 500 000 ადგილს) იმ შემთხვევაში, თუ ქვეყანა საავიაციო გადასახადს არ შეამცირებს.
კომპანიის განცხადებით, იმ დროს, როცა ევროპის სხვა ქვეყნები გადასახადებს ამცირებენ ან საერთოდ აუქმებენ, გერმანიამ ახლახანს 24%-ით გაზარდა, რაც ევროკავშირში რიგით მეორე ყველაზე მაღალი მაჩვენებელია.
Ryanair, ასევე, ითხოვს, სასწრაფოდ შემცირდეს ATC-ის (საჰაერო მოძრაობის კონტროლის) მზარდი გადასახადი, რომელიც, მათი თქმით, 2019 წლის შემდეგ გაორმაგდა და გადაიდოს უსაფრთხოების საფასურის 50%-იანი ზრდა, რომელიც იანვარშია დაგეგმილი.
Ryanair-ს მიაჩნია, რომ სახელმწიფოს ასეთი მაღალი და მზარდი გადასახადები აზარალებს გერმანიის ტურიზმს, ეკონომიკასა და, პირველ რიგში, მოქალაქეებს. მათი თქმით, გადასახადების მატება Lufthansa-ს მონოპოლიის გაზრდას ემსახურება.
კომპანიამ გერმანიის მთავრობას ოფიციალურად უკვე მიმართა. მათი თქმით, მოთხოვნების არდაკმაყოფილების შემთხვევაში გერმანიაში ფრენებს შეამცირებენ და გადასახადების მხრივ იაფი ქვეყნებიდან - იტალიიდან, პოლონეთიდან, ესპანეთიდან და პორტუგალიიდან გაზრდიან.
მათი თქმით, გერმანიამ პანდემიის შემდეგ საჰაერო მოგზაურობა მხოლოდ 82%-ით აღადგინა, რაც ევროპაში ყველაზე დაბალი მაჩვენებელია, დამატებით ფრენების გაუქმება კი ქვეყანას კიდევ მეტად დააზარალებს.
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
საქართველო-ირანის ურთიერთობები და საგარეო-პოლიტიკური ტენდენციები: ფაქტები, მოვლენები და ღია წყაროები
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
