ჯო ბაიდენსა და დონალდ ტრამპს შორის სატელეფონო საუბარი გაიმართა
17.09.2024 ნახვები: 248
აშშ-ს პრეზიდენტ ჯო ბაიდენს და პრეზიდენტობის კანდიდატ დონალდ ტრამპს შორის სატელეფონო საუბარი გაიმართა.
თეთრი სახლის ინფორმაციით, ბაიდენსა და ტრამპს შორის საუბარი იყო გულწრფელი და აშშ-ს პრეზიდენტი თავს მშვიდად გრძნობს ტრამპის უსაფრთხოდ ყოფნის გამო.
სატელეფონო საუბარს გამოეხმაურა ტრამპიც.
„ჩვენ ძალიან კარგი საუბარი გვქონდა. საუბარი იყო საიდუმლო სამსახურზე“, – აღნიშნა ტრამპმა.
შეგახსენებთ, რომ ფლორიდის შტატში, ტრამპის კუთვნილ გოლფკლუბში დონალდ ტრამპის სიახლოვეს სროლა მოხდა. ინციდენტთან დაკავშირებით ერთი პირია დაკავებული, ის 58 წლის რაიან უესლი რუთია. გამოძიების ფედერალურ ბიუროში აცხადებენ, რომ ტრამპის გოლფკლუბში მომხდარი ინციდენტი, როგორც ჩანს, მკვლელობის მცდელობა იყო.
