რუსეთის პრეზიდენტის პრესსპიკერის, დიმიტრი პესკოვის განცხადებით, რუსეთი არ ცდილობს და ნაკლებად სავარაუდოა, რომ შესაძლებლობა ჰქონდეს გავლენა მოახდინოს მოლდოვასა და საქართველოში საარჩევნო პროცესებზე.
„თქვენ იცით, რომ ჩვენ საერთოდ არ ვცდილობთ და არც მგონია, ამ ქვეყნებში სიტუაციის განვითარებაზე, საარჩევნო პროცესებზე გავლენის მოხდენის შესაძლებლობა გვქონდეს“, - აღნიშნა პესკოვმა, როდესაც უპასუხა შეკითხვას, როგორ რეაგირებს კრემლი ბრალდებებზე, რომ რუსეთი მოლდოვასა და საქართველოში არჩევნებზე ზემოქმედებას ცდილობს.
მოლდოვაში 20 ოქტომბერს საპრეზიდენტო არჩევნები და ევროინტეგრაციის საკითხებზე რეფერენდუმი გაიმართა. პრეზიდენტმა მაია სანდუმ, ცენტრალური საარჩევნო კომისიის მიერ წინასწარი მონაცემების გამოქვეყნების შემდეგ, რომელმაც აჩვენა, რომ მოლდოვის მოქალაქეების ნახევარზე მეტი ევროინტეგრაციის წინააღმდეგი იყო, განაცხადა, რომ ქვეყნის თავისუფლებასა და დემოკრატიაზე უპრეცედენტო თავდასხმა განხორციელდა. მისივე თქმით, არსებობდა მტკიცებულებები, რომ კრიმინალური ჯგუფები ამომრჩევლების მოსყიდვას ცდილობდნენ და რომ საუბარი იყო 150 000-300 000 ხმაზე.
