ფიფა-ს პრეზიდენტი ჯანი ინფანტინო თბილისში ინფრასტრუქტურულ პროექტებს გაეცნო
13.11.2024 ნახვები: 429
საქართველოს სპეციალური ვიზიტით ფიფა-ს პრეზიდენტი ჯანი ინფანტინო ეწვია. მსოფლიო ფეხბურთის მმართველი ორგანოს ხელმძღვანელი ფეხბურთის ფედერაციის წარმომადგენლებს შეხვდა და მიმდინარე საფეხბურთო ინფრასტრუქტურულ პროექტებს გაეცნო.
ინფანტინო ბაქოდან ჩამოფრინდა, სადაც გაერო-ს კლიმატის ცვლილების 29-ე კონფერენციაში მონაწილეობდა. მასთან ერთად, საქართველოში ფიფა-ს სხვა მაღალჩინოსნებიც არიან, მათ შორის, საფრანგეთის ნაკრების ყოფილი ფეხბურთელი იური ჯორკაეფი.
