კობახიძის მტკიცებით, პარლამენტს ოპოზიციის ლეგიტიმაცია არ სჭირდება

პრემიერი ამტკიცებს, რომ პარლამენტს ოპოზიციის ლეგიტიმაცია არ სჭირდება, რადგან მათ ხალხის ლეგიტიმაცია უკვე აქვთ.

ამასთან, ირაკლი კობახიძეს აქვს მოლოდინი, რომ პარლამენტის პირველ სხდომას საქართველოს პრეზიდენტი არ ჩანიშნავს, ამიტომ მისი თქმით, პარლამენტი არჩევნების ოფიციალური შედეგების გამოცხადებიდან 10 დღეში ანუ 25 ნოემბერს შეიკრიბება. 

"არცერთ ქვეყანაში პარლამენტს არ სჭირდება ოპოზიციის ლეგიტიმაცია. ეს რომ სხვანაირად იყოს ვერცერთი დემოკრატიული სისტემა ვერ შედგებოდა. ერთადერთი ვისი ლეგიტიმაციაც სჭირდება, ესაა მოსახლეობა, ამომრჩეველი, ქართველი ხალხი. სწორედ ქართველმა ხალხმა მიანიჭა პარლამენტს ლეგიტიმაცია.

რაც შეეხება პარლამენტის შეკრებას, როგორც მოგეხსენებათ, ვადები არის დადგენილი საქართველოს კონსტიტუციით. ჩვენ ვვარადაუდობთ, რომ საქართველოს ჯერ კიდევ ფორმალური პრეზიდენტი სალომე ზურაბიშვილი კიდევ ერთხელ დაარღვევს საქართველოს კონსტიტუციას, არ დანიშნავს პარლამენტის პირველ სხდომას. ამ შემთხვევაში, საქართველოს პარლამენტი ზუსტად მე-10 დღეს ოფიციალური შედეგების გამოქვეყნებიდან ანუ 25 ნოემბერს შეიკრიბება, - ამბობს კობახიძე.