უწყვეტი პროტესტი გრძელდება - რუსთაველის გამზირზე მოქალაქეები შეიკრიბნენ.
დემონსტრანტებმა საკანონმდებლო ორგანოსთან აქციაზე დაშავებული მოქალაქეების ფოტოები გამოფინეს. ისინი ასევე პარლამენტთან აღმართულ ჯებირზე აბრახუნებენ და ამით ცდილობენ საკუთარი პროტესტის გამოხატვას.
ხუთ საათზე სტუდენტები თსუ-ს პირველი კორპუსიდან რუსთველის გამზირისკენ მსვლელობით დაიძვრებიან.
აქციის მონაწილეების თქმით, პროტესტი უნდა გახდეს 24- საათიანი. მათი მთავარი მოთხოვნაა, ხელახალი არჩევნები და აქციაზე უკანონოდ დაკავებული მოქალაქეების გათავისუფლება.
"პროტესტი უნდა გახდეს, 24- საათიანი. უნდა იყოს, როგორც დღისით ასევე ღამე. მიზანი იმისა, რომ დღეს ჩვენ აქ ვდგავართ და ვაპროტესტებთ გაყალბებულ არჩევნებსა და ვითხოვთ უსამართლოდ დაჭრილი ჩვენი მეგობრების გათავისუფლებას. იმის მაგივრად, რომ შეგვშინებოდა და სახლებში დავრჩენილიყავით. პირიქით დღითიდღე უფრო და უფრო მეტი ხალხი გამოდის გასაპროტესტებლად'',- ამბობს აქციის მონაწილე.
უკანონოდ დაკავებულები უნდა გათავისუფლდნენ, რეჟიმი უნდა შეიცვალოს, არ უნდა გვარბიონ, არ უნდა გვცემონ, წიხლები არ უნდა გვირტყან რუსული კანონები უნდა გაიწვიონ და დაიცვან ადამიანის უფლებები. ჩვენი პროტესტი არის გულწრფელი და ნამდვილი'', - ამბობს აქციის მონაწილე.
tvpirveli.ge
