დონალდ ტრამპი - სახაზინო მდივანს უკრაინაში ვაგზავნი ზელენსკისთან შესახვედრად, ეს ომი უნდა დასრულდეს და მალე დასრულდება
12.02.2025 ნახვები: 329
სახაზინო მდივანს უკრაინაში ვაგზავნი ზელენსკისთან შესახვედრად, ეს ომი უნდა დასრულდეს და მალე დასრულდება, - ამის შესახებ აშშ-ის პრეზიდენტი დონალდ ტრამპი საკუთარ სოციალურ ქსელში წერს.
მისი თქმით, როდესაც ამერიკა ძლიერია, მსოფლიო მშვიდია.
“სახაზინო მდივანს, სკოტ ბესენტს უკრაინაში ვაგზავნი, რათა პრეზიდენტ ზელენსკის შეხვდეს. ეს ომი უნდა დასრულდეს და მალე დასრულდება - ზედმეტად ბევრი სიკვდილი და განადგურებაა. შეერთებულმა შტატებმა მილიარდობით დოლარი დახარჯა გლობალურად, მცირე შედეგებით. როდესაც ამერიკა ძლიერია, მსოფლიო მშვიდია“, - წერს ტრამპი.
