მარკ რუტე - პუტინმა უნდა გააცნობიეროს, რომ დასავლეთი ერთიანია და უკრაინა იღებს ყველა მხარდაჭერას, რომელიც სჭირდება გამარჯვებისთვის
13.02.2025 ნახვები: 270
ჩვენ უნდა დავაყენოთ უკრაინა საუკეთესო შესაძლო მდგომარეობაში , - ამის შესახებ ნატო-ს გენერალურმა მდივანმა, მარკ რუტემ ნატო-ს თავდაცვის მინისტრების შეხვედრის შემდეგ გამართულ პრეს-კონფერენციაზე განაცხადა.
მისი თქმით, მოკავშირეებმა შეხვედრისას განიხილეს თავდაცვის ხარჯებისა და წარმოების გაზრდა.
“იმისთვის, რომ სრულად მზად ვიყოთ ამ გეგმების შესასრულებლად, ასევე მომავალში, ჩვენ გვჭირდება მეტი სამხედრო შესაძლებლობები და ამისთვის გვჭირდება მნიშვნელოვნად მეტი თავდაცვის ხარჯები, ასე რომ, დრო არ არის დასაკარგი. ჩვენი თავისუფლება და კეთილდღეობა ამაზეა დამოკიდებული”, - განაცხადა რუტემ.
ნატო-ს გენერალური მდივნის განცხადებით, ნატოს მოკავშირეებმა „სამშვიდობო მოლაპარაკებების შესახებ“ პრეზიდენტი ტრამპის ინიციატივა გაითვალისწინეს და აღნიშნეს, რომ საჭიროა სასტიკი აგრესიული ომი დასრულდეს სამართლიანი და ხანგრძლივი გზით.
“მნიშვნელოვანია, რომ ჩვენ მივაღწიოთ სამშვიდობო შეთანხმებას. პუტინმა უნდა გააცნობიეროს, რომ დასავლეთი ერთიანია და რომ უკრაინა იღებს ყველა მხარდაჭერას, რომელიც მას სჭირდება გამარჯვებისთვის. ცხადია, ჩვენ ინტენსიურ კონსულტაციებს ვაწარმოებთ ერთმანეთთან, მათ შორის აშშ-სთან.”- აღნიშნა მან.
ცნობისთვის, 12-13 თებერვალს ნატო-ს თავდაცვის მინისტრებმა ბრიუსელში წლის პირველი შეხვედრა გამართეს.
