„ქართული კოშმარის არაღიარების აქტს” კიდევ ერთი თანაავტორი შეემატა
27.02.2025 ნახვები: 455
„ქართული კოშმარის არაღიარების აქტს” კიდევ ერთი თანაავტორი შეემატა. ამის შესახებ აშშ-ის კონგრესის ოფიციალურ ვებგვერდზეა აღნიშნული.
კერძოდ, კანონპროექტს H.R. 243, რომელიც მიზნად ისახავს “აეკრძალოს შეერთებულ შტატებს ბიძინა ივანიშვილის ან ბიძინა ივანიშვილის მიერ მართული საქართველოს ნებისმიერი მთავრობის აღიარება, რა მიზნითაც არ უნდა იყოს” და რომელიც ასევე ცნობილია როგორც “ქართული კოშმარის არაღიარების აქტი” - კიდევ ერთ თანაავტორად (თანასპონსორად) კონგრესმენი ჯიმი პანეტა (დემოკრატიული პარტია) შეემატა.
ცნობისთვის, “ქართული კოშმარის” არაღიარების აქტი კონგრესის ქვედა პალატაში - წარმომადგენელთა პალატაში - 9 იანვარს იქნა წარდგენილი კონგრესმენი ჯო უილსონის (რესპუბლიკური პარტია) მიერ.
ამ მომენტისთვის კანონპროექტს 6 თანაავტორი ჰყავს: დემოკრატები სტივ კოენი, ლოიდ დოგეტი, ემანუელ კლივერი და ჯიმი პანეტა, და რესპუბლიკელები მაიკლ ტერნერი და მაიკლ ლოულერი.
