მარკ რუტე - შესანიშნავი საუბარი მქონდა დონალდ ტრამპთან, აშშ და ნატო ძლიერდებიან
28.02.2025 ნახვები: 287
შესანიშნავი იყო დონალდ ტრამპთან საუბარი - ნატო-ს წევრები დამატებით მილიარდებს ამზადებენ უკრაინის დახმარებისთვისა და წვლილისთვის უსაფრთხოების გარანტიებში. ამის შესახებ ნატო-ს გენერალური მდივანი, მარკ რუტე აშშ-ის პრეზიდენტთან სატელეფონო საუბრის შესახებ X-ის საკუთარ გვერდზე წერს.
ასევე, რუტე საუბრობს აშშ-ისა და ნატო-ს გაძლიერებაზე.
“შესანიშნავი საუბარი მქონდა დონალდ ტრამპთან. შეერთებული შტატები და ნატო ძლიერდებიან. ნატო-ს მოკავშირეები სწრაფად მოქმედებენ, რათა უფრო მეტი ინვესტიცია განახორციელონ თავდაცვაში. დიდი ზრდებია დაანონსებული და სხვებიც მოჰყვება.
უკრაინას რაც შეეხება, მოკავშირეები დამატებით მილიარდებს ამზადებენ დახმარებისთვის და წვლილისთვის უსაფრთხოების გარანტიებში”, - წერს რუტე.
