ვოლოდიმირ ზელენსკი აშშ-ში ვიზიტს სენატორებთან შეხვედრით დაიწყებს
28.02.2025 ნახვები: 297
უკრაინის პრეზიდენტის, ვოლოდიმირ ზელენსკის ვიზიტი შეერთებულ შტატებში დღეს სენატორებთან შეხვედრით დაიწყება, რის შემდეგაც, ის პრეზიდენტ დონალდ ტრამპს შეხვდება, - ინფორმაციას უკრაინული მედია პრეზიდენტის ადმინისტრაციაზე დაყრდნობით ავრცელებს.
აშშ-სა და უკრაინის პრეზიდენტებს შორის შეხვედრა თეთრ სახლში ვაშინგტონის დროით, დაახლოებით, 11:00 საათზე (თბილისის დროით 20:00 საათზე) დაიწყება.
შეხვედრის დაწყებამდე მედიისთვის მოკლე განცხადებები გაკეთდება, ვაშინგტონის დროით დაახლოებით 13:00 საათზე (თბილისის დროით, 22:00 საათზე) აშშ-სა და უკრაინის პრეზიდენტები ერთობლივ პრესკონფერენციას გამართავენ. მანამდე კი, ისინი ე.წ. წიაღისეულის ხელშეკრულებას გააფორმებენ.
მოგვიანებით, ვოლოდიმირ ზელენსკი ჰადსონის ინსტიტუტს ეწვევა, შემდეგ კი უკრაინული თემის წარმომადგენლებს შეხვდება.
