უცილებელია, რომ შეერთებული შტატების ინვესტიციები სასწრაფოდ დაბრუნდეს ანაკლიაში! - ამის შესახებ „ლელო - ძლიერი საქართველოს“ ლიდერმა, მამუკა ხაზარაძემ ჟურნალისტებს განუცხადა.
მისივე თქმით, ამერიკას სურს ცენტრალური აზიის ნედლეულის ბაზარზე წვდომა, რაც ანაკლიის პორტის გავლით უნდა მოხდეს.
„გუშინ ცნობილი გახდა, რომ სენატორთა ორპარტიულმა ჯგუფმა წარადგინა კანონპროექტი. მათ თავდაცვისა და სახელმწიფო მდივანს დაავალეს, მსოფლიოს მასშტაბით სასწრაფოდ შეისწავლონ ყველა ის პორტი და შეერთებული შტატების ეროვნული ინტერესებიდან გამომდინარე, ყველგან მოხდეს ჩინური ინვესტიციების შეკავება და ჩანაცვლდეს ამერიკული ინვესტიციით. გუშინწინ ერთ-ერთმა უზარმაზარმა კომპანიამ, რომელიც ექვემდებარება ჩინურ აქტს, გადაწყვიტა გაყიდოს თავისი პორტები პანამაში აშშ-ის სასარგებლოდ. ამ სიტუაციაში ჩვენი ქვეყნის ფუნქცია იძენს საკმაოდ სერიოზულ გეოპოლიტიკურ მდგომარეობას და აუცილებელია, რომ შეერთებული შტატების ინვესტიციები სასწრაფოდ დაბრუნდეს ანაკლიაში. მათ უნდათ, რომ ჰქონდეთ ცენტრალური აზიის ნედლეულის ბაზარზე წვდომა, შესაბამისად, მათი გატარება მოხდეს საქართველოს, კერძოდ ანაკლიის პორტის გავლით. ეს არის სტრატეგიულად მნიშვნელოვანი საკითხი და ვფიქრობ, რომ დღეს მთელი კონცენტრაცია უნდა იყოს გადატანილი იმაზე, რომ ჩვენი ქვეყნის უსაფრთხოება, მდგომარეობა და ფუნქცია იქნას ხაზგასმული. ამის ერთადერთი კონკრეტული ნაბიჯი იქნება ის, როცა ამერიკული ინვესტიციები დაბრუნდება ანაკლიაში“,- განაცხადა მამუკა ხაზარაძემ.
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
საქართველო-ირანის ურთიერთობები და საგარეო-პოლიტიკური ტენდენციები: ფაქტები, მოვლენები და ღია წყაროები
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
