შეერთებული შტატების მხრიდან უკრაინისთვის უსაფრთხოების დახმარება განახლდა
12.03.2025 ნახვები: 383
შეერთებულმა შტატებმა, აშშ-უკრაინის მიერ საუდის არაბეთის ქალაქ ჯიდაში მიღწეული შეთანხმების შემდეგ, უკრაინისთვის სამხედრო დახმარების მიწოდება განაახლა, ინფორმაციას უკრაინის პრეზიდენტის ოფისის ხელმძღვანელის მოადგილე, პავლო პალისა სოციალურ ქსელში წერს.
„მაქვს დადასტურება, რომ შეერთებული შტატების მხრიდან უსაფრთხოების დახმარება განახლდა. ხელშეკრულებების განხორციელება იწყება. ბრძოლა გრძელდება!“- წერს პავლო პალისა.
ცნობისთვის, გუშინ აშშ-ისა და უკრაინის წარმომადგენლებს შორის საუდის არაბეთში გამართული მოლაპარაკებების შემდეგ ცნობილი გახდა, რომ უკრაინა მზად არის 30-დღიან ცეცხლის შეწყვეტას დათანხმდეს, ხოლო აშშ დაუყოვნებლივ განაახლებს უკრაინისთვის სამხედრო დახმარებისა და სადაზვერვო მონაცემების გადაცემას.
