ემანუელ მაკრონი - მივესალმები განცხადებას სომხეთსა და აზერბაიჯანს შორის მოლაპარაკებების დასრულების შესახებ

საფრანგეთის პრეზიდენტი, ემანუელ მაკრონი სამშვიდობო ხელშეკრულებასთან დაკავშირებით სომხეთსა და აზერბაიჯანს შორის მიღწეულ შეთანხმებას მიესალმება და აცხადებს, რომ ეს გზას გაუხსნის ხანგრძლივ მშვიდობას სამხრეთ კავკასიაში.

„მივესალმები სომხეთსა და აზერბაიჯანს შორის მოლაპარაკებების დასრულების შესახებ განცხადებას. სომხეთსა და აზერბაიჯანს შორის სამშვიდობო ხელშეკრულების ხელმოწერას ახლა დაბრკოლებები აღარ აქვს, რამაც გზა უნდა გაუხსნას სამხრეთ კავკასიაში ხანგრძლივ მშვიდობას“, - წერს მაკრონი სოციალურ პლატფორმა X-ზე.

შეგახსენებთ, გუშინ ცნობილი გახდა, რომ სომხეთი და აზერბაიჯანი სამშვიდობო ხელშეკრულებაზე შეთანხმდნენ. „სამშვიდობო ხელშეკრულება მზად არის ხელმოწერისთვის. სომხეთის რესპუბლიკა მზად არის დაიწყოს კონსულტაციები აზერბაიჯანის რესპუბლიკასთან ხელშეკრულების ხელმოწერის დროსა და ადგილზე” , - ნათქვამია სომხეთის საგარეო საქმეთა სამინისტროს განცხადებაში.