უკრაინას საკმარისი იარაღი არ აქვს ყირიმის დასაბრუნებლად, მაგრამ მსოფლიოს რუსეთზე ზეწოლა შეუძლია. ამის შესახებ უკრაინის პრეზიდენტმა, ვოლოდიმირ ზელენსკიმ ჟურნალისტებთან საუბარში განაცხადა.
“მართალია ის, რასაც პრეზიდენტი ტრამპი ამბობს. ვეთანხმები, რომ დღეისთვის საკმარისი იარაღი არ არის. სწორედ იარაღი, არა ადამიანები. ვინაიდან, ჩვენი ხალხი - ეს მთავარია, უმთავრესია. მაგრამ იმის თქმა, რომ ჯარი არ გვყავს - ეს სიმართლე არაა…
ასე რომ, ვეთანხმები პრეზიდენტ ტრამპს, რომ უკრაინაში საკმარისი იარაღი არ არის ყირიმის ნახევარკუნძულზე კონტროლის იარაღით დასაბრუნებლად”, - განაცხადა ზელენსკიმ.
უკრაინის პრეზიდენტმა აღნიშნა, რომ მსოფლიოში არსებობს სასანქციო, ეკონომიკური და დიპლომატიური ზეწოლის შესაძლებლობები, “რათა ვილაპარაკოთ ამაზე, განვიხილოთ ტერიტორიული საკითხები, მაგრამ მხოლოდ სრული უპირობო ცეცხლის შეწყვეტის შემდეგ”.
