უკრაინის უსაფრთხოების სამსახურმა ერთდროულად იერიში მიიტანა რუსეთის ფედერაციის ოთხ სამხედრო აეროდრომზე (ვიდეო)
01.06.2025 ნახვები: 417
უკრაინის უსაფრთხოების სამსახურმა ერთდროულად იერიში მიიტანა რუსეთის ფედერაციის ოთხ სამხედრო აეროდრომზე, – ამის შესახებ უკრაინული მედია სპეცსამსახურის წარმომადგენლებზე დაყრდნობით წერს.
„უკრაინის უსაფრთხოების სამსახურის ხელმძღვანელისმ მალუკის წყალობით, რუსეთის ფედერაციამ გაიგო სიტყვა „დემილიტარიზაციის“ ნამდვილი მნიშვნელობა“, – განუცხადა წყარომ უკრაინულ მედიას.
როგორც ცნობილია, უკრაინის უსაფრთხოების სამსახურმა 40-ზე მეტი თვითმფრინავი გაანადგურა, მათ შორის – А-50, Ту-95 და Ту-22 М3. თავდასხმების სახით, რუსულმა ავიაციამ 2 მლრდ დოლარზე მეტი ზარალი განიცადა.
უკრაინული მედია წერს, რომ უკრაინის უსაფრთხოების სამსახურში სპეციალური ოპერაცია „ობობის ქსელი“ (Паутинa), რომლის შედეგადაც რუსეთის სტრატეგიული ავიაციის 41 თვითმფრინავი განადგურდა, თითქმის წელიწად-ნახევარზე მეტ ხანს მზადდებოდა.
ოპერაციის მიმდინარეობას პირადად აკონტროლებდა უკრაინის პრეზიდენტი და უმაღლესი მთავარსარდალი ვოლოდიმირ ზელენსკი.
გეგმის განხორციელებაზე ზრუნავდნენ ვასილი მალიუკი და უსაფრთხოების სამსახურის გუნდი.
ოპერაცია ლოგისტიკის თვალსაზრისით უკიდურესად რთული იყო. თავდაპირველად СБУ-მ რუსეთში FPV დრონები გადაიტანა, შემდეგ კი – მოძრავი ხის კოტეჯები.
მოგვიანებით, დრონები ამ კოტეჯების სახურავებში გადაიტანეს.
კოტეჯები სატვირთო მანქანებზე იყო დამონტაჟებული.
საჭირო მომენტში სახურავები დისტანციურად გაიხსნა და დრონები რუსეთის ბომბდამშენების დასარტყმელად გაფრინდნენ.
უკრაინული მედია აქვეყნებს ფოტოებს, სადაც ჩანს, როგორ ამზადებდნენ დრონებს სამხედრო აეროდრომებზე თავდასასხმელად.
СБУ-ს წყაროები ხაზს უსვამენ, რომ ამ ისტორიულ სპეცოპერაციაში მონაწილე პირები უკვე დიდი ხანია უკრაინაში იმყოფებიან. ასე რომ, თუ პუტინის რეჟიმი დემონსტრაციულად დააკავებს ვინმეს, ეს იქნება მორიგი სპექტაკლი შიდა აუდიტორიისთვის.
