სასამართლო მამუკა ხაზარაძის საქმის არსებით განხილვას იწყებს. კოალიცია "ძლიერი საქართვეელოს" ლიდერს "ოცნების" საგამოძიებო კომისიაზე არ მისვლის გამო ასამართლებენ. საქმეს მოსამართლე ზვიად შარაძე განიხილავს. არ არის გამორიცხული პროცესზე დღეს ბრალდების მხარემ მოწმედ გამომძიებელი მიიყვანოს.
სასამართლოში უკვე მივიდა მამუკა ხაზარაძე. ოპოზიციონერი ლიდერი ბოლომდე ბრძოლას აანონსებს და ამბობს, რომ მას ციხით ვერ შეაშინებენ.
არავითარ შემთხვევაში არ მივცემ ბიძინა ივანიშვილს იმის შანსს, რომ მე შევიდე უფრო სწრაფად ციხეში - აცხადებს მამუკა ხაზარაძე.
მოლოდინი არის ყველანაირი. თქვენ იცით, რომ მე ამ ნაბიჯზე შეგნებულად წავედი. არ გამოვცხადდი და პროტესტი გამოვუცხადე არალეგიტიმური პარლამენტის მიერ შექმნილ კომისიას. შესაბამისად ამ პოზიციას და ბრძოლას ჩვენ გავაგრძელებთ. არავითარ შემთხვევაში არ მივცემ ბიძინა ივანიშვილს იმის შანსს, რომ მე შევიდე უფრო სწრაფად ციხეში, იმიტომ, რომ ივანიშვილი არის რუსული ძალა და მას გადაწყვეტილი აქვს ყველა ოპონენტის დაჭერა და როცა მოვა ამის დრო, დაე, მათ მიიღონ ამის გადაწყვეტილება. ასე რომ, ბრძლა გრძელდება. მინდა ყველას მოვუწოდო, რომ პროტესტი უნდა გაგრძელდეს ყველა ფრონტზე- ეს იქნება სასამართლო დარბაზი, საარჩევნო ყუთი, ქუჩა და ა.შ.
მე მზად ვარ ყველაფრისთვის. 4 წელი ჩემი და ჯაფარიძის დაჭერა უნდოდათ 9 წლიანი მუხლით. არ გამოუვიდათ, იმიტომ, რომ ჩვენ ვიბრძოლეთ, არ დავემალეთ სასამართლოს, ვიარეთ ბოლომდე და ამ უსამართლო, მურუსიძის და ბიძინას სასამართლოში დავამტკიცეთ, რომ ბრძოლას ყოველთვის აქვს აზრი. ამიტომ ვერც 9 წლით შემაშინებენ, ვერც ერთით და ვერც ვერავის ვერ შეაშინებენ", - განაცხადა მამუკა ხაზარაძემ.
დღეს არის დაგეგმილი ბადრი ჯაფარიძის პროცესიც იგივე საქმეზე.
მამუკა ხაზარაძეს და ბადრი ჯაფარიძემ ბრალდება სისხლის სამართლის კოდექსის 349-ე მუხლით წარედგინა, რაც "საქართველოს პარლამენტის დროებითი საგამოძიებო კომისიის მოთხოვნის შეუსრულებლობას" გულისხმობს. აღნიშნული ქმედება ისჯება ჯარიმით, ან თავისუფლების აღკვეთით ვადით ერთ წლამდე, თანამდებობის დაკავების, ან საქმიანობის უფლების ჩამორთმევით ვადით სამ წლამდე
„ლელო - ძლიერი საქართველოს“ ლიდერებს აღნიშნულ საქმეზე ლიდერს მამუკა ხაზარაძეს აღკვეთის ღონისძიების სახით 50 000-50 000 ლარიანი გირაო შეეფარდათ.
ტვ პირველი
