თუ დავინახავთ, რომ ქვეყანას საფრთხე ემუქრება, მაშინ მტკიცედ ვიმოქმედებთ, – ამის შესახებ ამერიკის შეერთებული შტატების პრეზიდენტმა, დონალდ ტრამპმა განაცხადა.
ჟურნალისტებთან საუბრისას მას ჰკითხეს, აპირებდა თუ არა ამბოხების შესახებ აქტის გამოყენებას, რაზეც ტრამპმა უპასუხა, რომ ეს დამოკიდებული იქნება იმაზე, იქნება თუ არა ამბოხი.
„უბრალოდ ადგილზე უნდა იყოთ და ნახოთ, რა ხდება. გუშინ ღამით ლოს ანჯელესში ძალიან ყურადღებით ვაკვირდებოდით სიტუაციას. იქ ძალადობის ბევრი შემთხვევა იყო. ვნახავთ, რა დაგვჭირდება. ყველაფერს გავგზავნით, რაც კი საჭირო იქნება კანონისა და წესრიგის დასამყარებლად“, – თქვა ამერიკის პრეზიდენტმა.
ტრამპის თქმით, მისი ადმინისტრაცია ყურადღებით აკვირდება დემონსტრაციებს.
