წალენჯიხის მუნიციპალიტეტის ა(ა)იპ ,,საზოგადოებრივი ჯანდაცვის ცენტრ“-ში ჯანდაცვის პერსონალის ) პრაქტიკული იმუნიზაციის საკითხებზე გადამზადება დაიწყო
20.06.2025 ნახვები: 357
წალენჯიხის მუნიციპალიტეტის ა(ა)იპ ,,საზოგადოებრივი ჯანდაცვის ცენტრ“-ში იმუნიზაციის სახელმწიფო პროგრამაში მონაწილე პირველადი ჯანდაცვის პერსონალის (ექიმების, მედდების) პრაქტიკული იმუნიზაციის საკითხებზე გადამზადება დაიწყო.
განხილულ იქნა 2025 წლის იმუნიზაციის სახელმწიფო პროგრამის მხარდამჭერი გეგმა, არსებული გამოწვევები და სამომავლო პერსპექტივები.
ღონისძიების მიზანია ხელი შეუწყოს ვაქცინაციის საკითხებთან მიმართებაში სამედიცინო პერსონალის უნარ-ჩვევების და ვაქცინაციით მოცვის მაჩვენებლების გაუმჯობესებას ადგილობრივ და ეროვნულ დონეზე.
იმუნიზაცია სიცოცხლისა და ჯანმრთელობისთვის სახიფათო დაავადებებისგან დაცვის ყველაზე ეფექტური საშუალებაა.
ვაქცინა, ორგანიზმის ბუნებრივ იმუნიტეტთან ერთად, ამცირებს დაავადებების განვითარების და გართულების რისკს. ამ ეტაპზე 20-ზე მეტი სიცოცხლისთვის საშიში დაავადების საწინააღმდეგო ვაქცინა არსებობს. მათი წყალობით ადამიანები თავიდან იცილებენ ან მარტივად უმკლავდებიან ამ დაავადებებს და შესაბამისად, უფრო დიდხანს და ჯანმრთელად ცხოვრობენ.
იმუნიზაცია ყოველ წელს 3.5-5 მილიონი ადამიანის სიცოცხლეს იცავს ისეთი სახიფათო დაავადებებისგან, როგორიცაა ტეტანუსი, დიფთერია, ყივანახველა, გრიპი თუ წითელა.
იმუნიზაციით მნიშვნელოვნად შემცირდა ვაქცინაციით მართვადი დაავადებები (ყვავილი, მაგალითად, სრულიად აღმოიფხვრა). თუმცა, რუტინული იმუნიზაციის შემცირების შემთხვევაში კვლავ არსებობს ამ დაავადებების გავრცელების შანსი.
