დონალდ ტრამპი „რესპუბლიკელებს“ მოუწოდებს მოკლან „ამერიკის ხმა“

რატომ უნდა სურდეთ „რესპუბლიკელებს“, რომ „დემოკრატების“ „რუპორმა“ „ამერიკის ხმამ“ მუშაობა გააგრძელოს, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.

„ეს სრული მემარცხენე კატასტროფაა და არცერთმა „რესპუბლიკელმა“ არ უნდა დაუჭიროს მხარი მის შენარჩუნებას. მოკალით ის!“, - წერს დონალდ ტრამპი Truth Social-ზე.

ამასთან, აშშ-ის გლობალური მედიის სააგენტოს (USAGM), უფროსმა მრჩეველმა, კერი ლეიკმა აშშ-ის წარმომადგენელთა პალატის საგარეო საქმეთა კომიტეტის წინაშე ჩვენების მიცემისას განაცხადა, რომ სააგენტო, რომლის შემადგენლობაში „ამერიკის ხმაც“ შედის, „მთლიანად კორუმპირებულია“.

„უმჯობესი იქნება, რომ მთლიანად დაიშალოს და ყველაფერი თავიდან დაიწყოს“, - აღნიშნა კერი ლეიკმა.

ცნობისთვის, გასულ კვირას დონალდ ტრამპის ადმინისტრაციამ „ამერიკის ხმის“ 600-ზე მეტ თანამშრომელს სამსახურიდან გათავისუფლების შესახებ აცნობა. USAGM-ის უფროსი მრჩევლის, კერი ლეიკის ცნობით, მარტის შემდეგ სააგენტოს თანამშრომლების რაოდენობა 85%-ით შემცირდა.