გივი თარგამაძე - რიჟვაძის თავს წისქვილის ქვა ტრიალებდა
ნიკოლ ფაშინიანი და ილჰამ ალიევი ორმხრივი მოლაპარაკებებისა და ორ ქვეყანას შორის ნდობის აღდგენის ზომების გატარების გაგრძელებაზე შეთანხმდნენ
19 წლის საბა ჯიქიას 4 წლითა და 6 თვით თავისუფლების აღკვეთა მიესაჯა
სალომე ზურაბიშვილი - მოვიდეთ გონს - წინააღმდეგობის პლატფორმა გაცოცხლდეს და ჩამოაყალიბოს გარდამავალი მთავრობა, გვჭირდება პროგრამა და გვაქვს - „ქართული ქარტია“, რომელსაც სჭირდება განახლება
სალომე ზურაბიშვილი - ამ ქვეყანაში ვინმეს თუ სჯერა, რომ შეიძლება ჩატარდეს ადგილობრივი არჩევნები, ეს არის დიდი მითი - დარწმუნებული ვარ, არ ჩატარდება
ევროპარლამენტის რეზოლუცია - SWIFT-ის შეწყვეტა ან სექტორული სანქციები, „რომლის მიზანიც „ქართული ოცნების“ რეჟიმის ფინანსური ნაკადებისა და შემოსავლის წყაროების შეწყვეტაა“
ევროპარლამენტმა საქართველოს შესახებ რეზოლუცია მიიღო
ლევან ხაბეიშვილი - ირაკლი კობახიძეს მივმართავ - ახალგაზრდებს, ბავშვებს რომ დასდევთ და ნარკოლოგიურში გადაგყავთ, შემოწმება დაიწყეთ თქვენი წრიდან

ზელენსკი ტრამპს ესაუბრა

04.07.2025 ნახვები: 245

უკრაინის პრეზიდენტი, ვოლოდიმირ ზელენსკი ამერიკელ კოლეგას, დონალდ ტრამპს ესაუბრა. ამის შესახებ ზელენსკი სოციალურ ქსელში წერს.

უკრაინის პრეზიდენტის განცხადებით, საუბრისას მან დონალდ ტრამპსა დაამერიკელ ხალხს დამოუკიდებლობის დღე მიულოცა. მისივე თქმით, მხარეებმა საჰაერო თავდაცვის შესაძლებლობები განიხილეს და შეთანხმდნენ, რომ ერთად იმუშავებენ ცის დაცვის გასაძლიერებლად.

ტრამპთან ძალიან მნიშვნელოვანი და ნაყოფიერი საუბარი მქონდა. მივულოცე პრეზიდენტ ტრამპს და ამერიკელ ხალხს აშშ-ის დამოუკიდებლობის დღე.

ჩვენ - უკრაინაში - მადლიერები ვართ გაწეული მხარდაჭერისთვის. ეს გვეხმარება დავიცვათ სიცოცხლე, დავიცვათ ჩვენი თავისუფლება და დამოუკიდებლობა. ჩვენ ბევრს მივაღწიეთ ამერიკასთან ერთად და მხარს ვუჭერთ ყველა ძალისხმევას, რათა შეწყდეს მკვლელობები და აღდგეს სამართლიანი, მდგრადი და ღირსეული მშვიდობა. საჭიროა კეთილშობილური შეთანხმება მშვიდობისთვის.

დღეს განვიხილეთ არსებული სიტუაცია, მათ შორის რუსეთის საჰაერო დარტყმები და ფრონტის ხაზზე განვითარებული მოვლენები. პრეზიდენტი ტრამპი ძალიან კარგად არის ინფორმირებული და მადლობას ვუხდი მას უკრაინისადმი ყურადღებისთვის. ვისაუბრეთ საჰაერო თავდაცვის შესაძლებლობებზე და შევთანხმდით, რომ ერთად ვიმუშავებთ ჩვენი ცის დაცვის გასაძლიერებლად. ასევე შევთანხმდით ჩვენს გუნდებს შორის შეხვედრაზე.

ჩვენ გვქონდა დეტალური საუბარი თავდაცვის ინდუსტრიის შესაძლებლობებსა და ერთობლივ წარმოებაზე. ჩვენ მზად ვართ შეერთებულ შტატებთან პირდაპირი პროექტებისთვის და გვჯერა, რომ ეს კრიტიკულად მნიშვნელოვანია უსაფრთხოებისთვის, განსაკუთრებით მაშინ, როდესაც საქმე დრონებსა და მათთან დაკავშირებულ ტექნოლოგიებს ეხება.

ჩვენ ასევე შევეხეთ ორმხრივ შესყიდვებსა და ინვესტიციებს. და ბოლოს, გავცვალეთ მოსაზრებები დიპლომატიურ სიტუაციასა და აშშ-სთან და სხვა პარტნიორებთან ერთობლივ მუშაობაზე.

ყველას ნახვა
ყველას ნახვა