სოციალურ ქსელში საპატრულო პოლიციის თანამშრომლებსა და მოქალაქეებს შორის დაპირისპირების ამსახველი ვიდეო ვრცელდება. ამავე ვიდეო მასალის მიხედვით, დაპირისპირებაში მონაწილე ერთ-ერთი მოქალაქე - სავარაუდოდ, ასაკით პენსიონერი მამაკაცი გონებას კარგავს.
ვიდეო პოლიციელის მიერ მოქალაქის დაკავების ამსახველი კადრით იწყება. ამ დროს დაკავებულს გამოესარჩლა მოქალაქე, რომელმაც პოლიციელს შემდეგი სიტყვებით მიმართა: - „მოვა დრო და მაგისთვის დედას გიტირებენ“. ვიდეოში ჩანს, რომ მასთან სამართალდამცავები მიდიან, ხელებს უკან უგრეხენ და ძალის გამოყენებით მის დაკავებას ცდილობენ. ამ დროს ეს უკანასკნელი ცუდად ხდება და სავარაუდოდ, გონებას კარგავს.
აღნიშნული ვიდეო სოციალურ ქსელში მოქალაქე თამარ ბოჭორიძემ გაავრცელა, რომლის ინფორმაციით შემთხვევა თბილისში, ამაღლების ქუჩაზე მოხდა.
