გოჩა მირცხულავა: მილიარდერთა კლუბშიც მიქარული აქვს ივანიშვილს და იმათ თავისი შურისძიების მოტივები ამოძრავებთ
თბილისის მერია - მეტროსადგური „ვარკეთილი“ მგზავრთა მომსახურებას დღეიდან შეცვილი განრიგით განაახლებს
დონალდ ტრამპი - ღაზაში ომი მომდევნო რამდენიმე კვირაში დასრულდება
ევრობასკეტი 2025 | საქართველოს ნაკრების პირველი მეტოქე - ესპანეთი
გერმანიის საგარეო საქმეთა მინისტრი - პრეზიდენტი პუტინი თუ ფიქრობს, რომ დროის გაწელვა შეუძლია, ცდება
Ukrainian forces destroy Russian Solntsepyok system in Zaporizhzhia sector
Russian agent guides strikes on Odesa region while posing as woman
Russia spreading fake claim about Ukrainian soldiers killing woman and child in Pokrovsk

ანდრო ჭიჭინაძე - კოდექსში წერია, რომ „სტრუქტურული ფორმის მქონე ჯგუფად მიიჩნევა ჯგუფი, რომელიც არ არის შემთხვევით შექმნილი დანაშაულის ჩასადენად, ხოლო წევრობას აქვს უწყვეტი ხასიათი“ - ამას თუ პროკურორები დაამტკიცებენ, ყოჩაღ ამათ!

21.07.2025 ნახვები: 301

სტრუქტურული ფორმის მქონე ჯგუფად მიიჩნევა ჯგუფი, რომელიც არ არის შემთხვევით შექმნილი დანაშაულის დაუყოვნებლივ ჩასადენად და რომელშიც არ არის აუცილებელი, ფორმალურად იყოს განაწილებული როლები მის წევრთა შორის, წევრობას ჰქონდეს უწყვეტი ხასიათი ან ჩამოყალიბებული იყოს განვითარებული სტრუქტურა. ამას თუ პროკურორები დაამტკიცებენ, ყოჩაღ ამათ, - ამის შესახებ ჯგუფურ ძალადობაში მონაწილეობის ბრალდებით დაკავებულმა მსახიობმა ანდრო ჭიჭინაძემ სასამართლო პროცესზე განაცხადა.

მან სხდომაზე სისხლის სამართლის კოდექსიდან ის მუხლი წაიკითხა, რომელთაც დაკავებულებს ბრალი აქვთ წაყენებული.

„ხელში მიჭირავს სისხლის სამართლის კოდექსი, ჩვენ ვდავობთ 225-ე მუხლით, რაც ჯგუფურ ძალადობას გულისხმობს... თქვენ გვედავებით ამ ჯგუფში მონაწილეობას ხომ?.. ამავე სისხლის სამართლის კოდექსში წერია ჯგუფური ძალადობის განმარტება. რომ დადასტურდეს, რასაც გვედავება პროკურატურა, უნდა აკმაყოფილებდეს კრიტერიუმებს: „დანაშაული ორგანიზებული ჯგუფის მიერაა ჩადენილი, თუ იგი განახორციელა დროის განსაზღვრულ პერიოდში არსებულმა, შეთანხმებულად მოქმედმა, სტრუქტურული ფორმის მქონე ჯგუფმა, რომლის წევრები წინასწარ შეკავშირდნენ ერთი ან რამდენიმე დანაშაულის ჩასადენად ან რომლის მიზანია პირდაპირ ან არაპირდაპირ ფინანსური ან სხვა მატერიალური სარგებლის უკანონოდ მიღება“.

აქვე შენიშვნაა: სტრუქტურული ფორმის მქონე ჯგუფად მიიჩნევა ჯგუფი, რომელიც არ არის შემთხვევით შექმნილი დანაშაულის დაუყოვნებლივ ჩასადენად და რომელშიც არ არის აუცილებელი, ფორმალურად იყოს განაწილებული როლები მის წევრთა შორის, წევრობას ჰქონდეს უწყვეტი ხასიათი ან ჩამოყალიბებული იყოს განვითარებული სტრუქტურა. ამას თუ პროკურორები დაამტკიცებენ, ყოჩაღ ამათ“, - განცხადა ჭიჭინაძემ.

ცნობისთვის, პარლამენტთან მიმდინარე საპროტესტო აქციების დროს, ჯგუფურ ძალადობაში მონაწილეობის ბრალდებით 11 პირი დააკავეს.

დაკავებულებს - ანდრო ჭიჭინაძეს, ონისე ცხადაძეს, ჯანო არჩაიას, რუსლან სივაკოვს, ლუკა ჯაბუას, გურამ მირცხულავას, ვალერი თეთრაშვილს, გიორგი ტერიშვილს, ირაკლი ქერაშვილს, რევაზ კინაძესა და სერგეი კუხარჩუკს ბრალი საქართველოს სისხლის სამართლის კოდექსის 225-ე მუხლის მეორე ნაწილით წარედგინათ, რაც ჯგუფურ ძალადობაში მონაწილეობას გულისხმობს.

აღნიშნული დანაშაული სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს.

ყველას ნახვა
ყველას ნახვა