ისტორიკოსი ბექა კობახიძე - ვერ ამოვედით 90-იანების წუმპიდან
07.08.2025 ნახვები: 367
სტორიკოსი ბექა კობახიძე რუსთაველის გამზირზე აქციის მონაწილეებს და "ლელოს" წევრთან, გრიგოლ გეგელიასთან დაპირიპირების შესახებ სოციალურ ქსელში წერს:
"რაც დღეს გრიგოლს გაუკეთეს არის სამარცხვინო ამბავი. ვერ ამოვედით 90-იანების წუმპიდან. ხელში სმარტფონები გვიჭირავს, მაგრამ მაინც შუა საუკუნეობრივი ველური ტომებივით ვიქცევით. რას ვგულისხმობ: განწყობა, რომ თუ "იმენნა" ჩემნაირად არ ფიქრობ მოგკლავ, ჩაგქოლავ, დედას გაგინებ არ არის ის, რისთვისაც პირადად მე ვიბრძვი. მე ვიბრძვი მთავარისთვის: თავისუფალი, პროდასავლური საქართველო, რომელზეც უმრავლესობა ვთანხმდებით, მაგრამ ამის იქით მილიონი სხვადასხვა აზრი გვაქვს. გრიგოლმაც იცის და მთელმა მისმა პოლიტიკურმა გუნდმა, რომ მე არჩევნებში მონაწილეობას არ ვემხრობი, მაგრამ "იმენნა" ჩემი გზა არის მართალი და თუ არ მეთანხმები თავს გაგიხეთქავთქო, არის ისეთი აზრი, რომელშიც აბსოლუტური, ტოტალიტარული აზროვნება იკითხება და ვინც ასე აზროვნებთ, მე ჩემიანად არ მიმაჩნიხართ."
