"უკრაინის ლეგენდა 2025" -ის ღონისძიებაზე განსაკუთრებული ოვაციები ქართველმა მუსიკოსებმა, ნინო ქათამაძემ და ნიკოლოზ რაჭველმა, მიიღეს. მათმა შესრულებულმა სიმღერამ მთელი დარბაზი ააღელვა. დაჯილდოების ცერემონიაზე იმყოფებოდნენ უკრაინის პრეზიდენტი ვოლოდიმერ ზელენსკი და პირველი ლედი, ასევე ცნობილი უკრაინელი მომღერალი სვიატოსლავ ვაკარჩუკი.
ღონისძიება რამდენიმე დღის წინ კიევში გაიმართა, თუმცა კონცერტი უკრაინის სატელევიზიო არხებზე გუშინ, დამოუკიდებლობის დღეს გადაიცა.
ნიკოლოზ რაჭველი სოციალურ ქსელში წერს, ნინო ქათამაძის სიმღერის შემდეგ მთელი დარბაზი ფეხზე იდგა.
ძალიან ამაღელვებელი იყო სლავა ვაკარჩუკის ემოციური ჩახუტება და აცრემლებული პრეზიდენტისა და მთელი პუბლიკის ფეხზე წამოდგომა უპირველესად ნინოს მიმართ!
დაუვიწყარი წუთები იყო… ძალიან…
გაუმარჯოს გმირ ხალხს! გაუმარჯოს ჩვენს ერებს შორის უპირობო და დაუსრულებელ მეგობრობას!, - წერს ნიკოლოზ რაჭველი სოციალურ ქსელში და თან ვიდეოს ურთავს.
ტვ პირველი
